Welcome Arch | ಡಾ. ಜಿ ಪರಮೇಶ್ವರ್ ಮತ್ತು ವಿ. ಸೋಮಣ್ಣ ಮಾತುಕತೆ ಸಫಲವಾಗುತ್ತಾ..?

ತುಮಕೂರು | ತುಮಕೂರಿನ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಸ್ವಾಗತ ಕಮಾನು (Welcome Arch) ನಿರ್ಮಿಸುವ ಪ್ರಯತ್ನಗಳು ನಡೆಯುತ್ತಿವೆ ಎಂದು ರಾಜ್ಯ ಗೃಹ ಸಚಿವ ಹಾಗೂ ತುಮಕೂರು ಜಿಲ್ಲಾ ಉಸ್ತುವಾರಿ ಸಚಿವ ಡಾ. ಜಿ. ಪರಮೇಶ್ವರ್ ಹೇಳಿದ್ದಾರೆ.

ಸ್ವಾಗತ ಕಮಾನು (Welcome Arch) ನಿರ್ಮಿಸಲು ಕೇಂದ್ರದ ಅನುಮತಿ ಅವಶ್ಯಕ

ಸಾಧಾಶಿವನಗರದ ಗೃಹ ಕಚೇರಿಯಲ್ಲಿ ಮಾಧ್ಯಮದೊಂದಿಗೆ ಮಾತನಾಡಿದ ಅವರು, ಸ್ವಾಗತ ಕಮಾನು (Welcome Arch) ನಿರ್ಮಾಣಕ್ಕೆ ಸ್ಮಾರ್ಟ್ ಸಿಟಿ ಯೋಜನೆಯಿಂದ ₹5 ಕೋಟಿ ರೂ.ಗಳನ್ನು ಮೀಸಲಿಟ್ಟಿದ್ದೇವೆ. ಆದರೆ ಹೆದ್ದಾರಿ ಪ್ರಾಧಿಕಾರದ ಸ್ಥಳೀಯ ನಿರ್ದೇಶಕರು ಅನುಮತಿ ನೀಡಲು ಸಾಧ್ಯವಿಲ್ಲ ಎಂದಿದ್ದಾರೆ. ಆದ್ದರಿಂದ ಈ ಯೋಜನೆಗೆ ಕೇಂದ್ರ ಸರ್ಕಾರದ ಅನುಮತಿ ಅಗತ್ಯವಿದೆ ಎಂದು ವಿವರಿಸಿದರು.

ಇದನ್ನು ಓದಿ : RCB Victory Stampede | ಭಾರತೀಯ ಪೊಲೀಸ್ ಒಕ್ಕೂಟದಿಂದ ಸಿಎಂಗೆ ಪತ್ರ..!

ವಿ. ಸೋಮಣ್ಣ ಮೂಲಕ ಕೇಂದ್ರಕ್ಕೆ ಮನವಿ

ತುಮಕೂರಿನ ಸಂಸದರಾಗಿರುವ ಕೇಂದ್ರದ ರೈಲ್ವೆ ಮತ್ತು ಜಲಶಕ್ತಿ ರಾಜ್ಯ ಖಾತೆ ಸಚಿವ ವಿ. ಸೋಮಣ್ಣ ಅವರ ಮೂಲಕ ಕೇಂದ್ರದ ಭೂ ಹೆದ್ದಾರಿ ಸಚಿವ ನಿತೀನ್ ಗಡ್ಕರಿಗೆ ಈ ಕುರಿತ ಮನವಿಯನ್ನು ಸಲ್ಲಿಸಿದ್ದೇನೆ ಎಂದು ತಿಳಿಸಿದರು.

ತುಮಕೂರಿಗೆ ಸ್ವಾಗತ ಕಮಾನು ಏಕೆ ಅಗತ್ಯ?

ತುಮಕೂರು ರಾಷ್ಟ್ರೀಯ ಹೆದ್ದಾರಿ ಪಕ್ಕದಲ್ಲಿರುವ ಕಾರಣ, ಪ್ರವಾಸಿಗರಿಗೆ ನಗರದಲ್ಲಿ ಪ್ರವೇಶಿಸುತ್ತಿರುವ ಭಾವನೆ ಬರುವುದಿಲ್ಲ. ಸ್ವಾಗತ ಕಮಾನು (Welcome Arch) ಇದ್ದರೆ ನಗರದ ಪ್ರಾರಂಭ ತಿಳಿಯುವಂತಾಗುತ್ತದೆ ಎಂದು ಸಚಿವರು ಅಭಿಪ್ರಾಯಪಟ್ಟರು.

ಮೆಟ್ರೋ ಹಾಗೂ ಸಬ್-ಅರ್ಬನ್ ಯೋಜನೆಗಳು

ತುಮಕೂರಿಗೆ ಮೆಟ್ರೋ ಅಗತ್ಯವಿದೆ ಎಂಬ ವಿ. ಸೋಮಣ್ಣ ಅವರ ಅಭಿಪ್ರಾಯವನ್ನು ಉಲ್ಲೇಖಿಸಿದ ಅವರು, ರಾಜ್ಯ ಸರ್ಕಾರದ ತೀರ್ಮಾನದ ನಿರೀಕ್ಷೆಯಲ್ಲಿದ್ದೇವೆ. ಮೆಟ್ರೋ ಆಗಲಿ ಅಥವಾ ಸಬ್‌ಅರ್ಬನ್ ರೈಲು ಯೋಜನೆಯಾಗಲಿ, ಯಾವುದಾದರೂ ಒಳ್ಳೆಯದು ಎಂದು ಹೇಳಿದರು.

ತುಮಕೂರಿನ ಬೆಳವಣಿಗೆ – ಇಂಡಸ್ಟ್ರಿಯಲ್ ಹಬ್

ತುಮಕೂರು ವೇಗವಾಗಿ ಬೆಳೆಯುತ್ತಿದೆ. 20,000 ಎಕರೆಯಲ್ಲಿನ ಇಂಡಸ್ಟ್ರಿಯಲ್ ಹಬ್ ನಿರ್ಮಿಸಲಾಗುತ್ತಿದೆ. ಜನರು ತುಮಕೂರನ್ನು ವಿಸ್ತರಿಸುವ ಬಗ್ಗೆ ಒತ್ತಾಯಿಸುತ್ತಿದ್ದಾರೆ. ಬೆಂಗಳೂರಿಗೆ ಹತ್ತಿರವಿರುವುದರಿಂದ ಗ್ರೇಟರ್ ಬೆಂಗಳೂರು ವ್ಯಾಪ್ತಿಗೆ ಸೇರಿಸಬೇಕೆಂಬ ಚರ್ಚೆ ನಡೆಯುತ್ತಿದೆ ಎಂದು ತಿಳಿಸಿದರು.

ಹೇಮಾವತಿ ಕೆನಾಲ್ ಸಂಬಂಧಿಸಿದಂತೆ ಸಭೆ

ಹೇಮಾವತಿ ಕೆನಾಲ್ ಕುರಿತು ಪ್ರತಿಭಟನೆ ಬೇಡವೆಂದು ತಿಳಿಸಿದ್ದಾರೆ. ಈ ಸಂಬಂಧ ನೀರಾವರಿ ಸಚಿವರೊಂದಿಗೆ ಚರ್ಚಿಸಿ ನಂತರ ಸಭೆ ಕರೆಯುವ ಬಗ್ಗೆ ನಿರ್ಧಾರ ಮಾಡುತ್ತೇನೆ ಎಂದು ಡಾ. ಪರಮೇಶ್ವರ್ ಸ್ಪಷ್ಟಪಡಿಸಿದರು.

tags : news headlines kannada, local news in kannada, local news kannada, news updates kannada, kannada news headlines, kannada news kannada news, kannada news kannada news, ಕನ್ನಡ ಸುದ್ದಿ, kannada news kannada news, kannada news, kannada news kannada news kannada, kannada news in kannada, karnataka news kannada news, ಕನ್ನಡ news, news kannada news