ಆರೋಗ್ಯ : ( Papaya fruit )ನಮ್ಮ ಆರೋಗ್ಯ ಚೆನ್ನಾಗಿರಬೇಕಾದರೆ ನಾವು ದಿನನಿತ್ಯ ಸೇವನೆ ಮಾಡುವ ಆಹಾರ ಸರಿಯಾಗಿರಬೇಕು. ಸಾಮಾನ್ಯವಾಗಿ ಹಣ್ಣುಗಳು ಮತ್ತು ತರಕಾರಿಗಳು ದೇಹವನ್ನು ಸುಸ್ಥಿತಿಯಲ್ಲಿ ಇಡಲು ಮಹತ್ವಪೂರ್ಣ ಪಾತ್ರ ವಹಿಸುತ್ತವೆ. ಅದರಲ್ಲಿಯೂ ಪರಂಗಿ ಹಣ್ಣು ಆರೋಗ್ಯಕರ ಗುಣಲಕ್ಷಣಗಳಿಂದ ತುಂಬಿರುವುದು ವಿಶೇಷ. ಇದು ರುಚಿಕರ ಮತ್ತು ಪೌಷ್ಠಿಕಾಂಶವುಳ್ಳ ಹಣ್ಣು ಮಾತ್ರವಲ್ಲ, ವರ್ಷದ ಎಲ್ಲಾ ಕಾಲದಲ್ಲಿಯೂ ಸಿಗುವ ಒಂದು ಹಣ್ಣು ಎಂದು ಪರಿಗಣಿಸಲಾಗುತ್ತದೆ.
ಪರಂಗಿ ಹಣ್ಣಿನ (Papaya fruit) ಆರೋಗ್ಯ ಪ್ರಯೋಜನಗಳು
1. ರೋಗನಿರೋಧಕ ಶಕ್ತಿ ಹೆಚ್ಚಳ : ಪರಂಗಿಹಣ್ಣಿನಲ್ಲಿರುವ ವಿಟಮಿನ್ C ಶರೀರದ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ.
2. ಜೀರ್ಣಕ್ರಿಯೆ ಸುಧಾರಣೆ : ಈ ಹಣ್ಣಿನಲ್ಲಿರುವ ಜೀರ್ಣಕಾರಿ ಕಿಣ್ವಗಳು ಆಮ್ಲೀಯತೆ, ಗ್ಯಾಸ್ ಮತ್ತು ಮಲಬದ್ಧತೆಯನ್ನು ನಿಯಂತ್ರಿಸಲು ಸಹಾಯಕವಾಗುತ್ತವೆ.
3. ಮಧುಮೇಹ ನಿಯಂತ್ರಣ : ಖಾಲಿ ಹೊಟ್ಟೆಯಲ್ಲಿ ಪರಂಗಿ ಹಣ್ಣು (Papaya fruit) ಸೇವನೆ ಮಾಡಿದರೆ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ನಿಯಂತ್ರಿಸಬಹುದು.
4. ರಕ್ತದೊತ್ತಡ ಸಮತೋಲನ : ಪೊಟ್ಯಾಸಿಯಮ್ ಮತ್ತು ಪೋಷಕಾಂಶಗಳಿಂದ ಹೃದಯರೋಗದ ಅಪಾಯ ಕಡಿಮೆ ಮಾಡಬಹುದು.
ಇದನ್ನೂ ಓದಿ : https://kannadasakshi.com/benefits-of-eating-basil-leaves/
5. ಕ್ಯಾನ್ಸರ್ ತಡೆ : ಪರಂಗಿ ಹಣ್ಣಿನಲ್ಲಿರುವ ಉತ್ಕರ್ಷಣ ನಿರೋಧಕಗಳು ಕೊಲೊರೆಕ್ಟಲ್ ಕ್ಯಾನ್ಸರ್ ತಡೆಗಟ್ಟುವಲ್ಲಿ ಮಹತ್ತರವಾದ ಪಾತ್ರ ವಹಿಸುತ್ತವೆ.
6. ಮನಸ್ಸು ಮತ್ತು ಕರುಳಿನ ಆರೋಗ್ಯ : ವಿಟಮಿನ್ C ಮತ್ತು A ಮೂಲಕ ಕರುಳಿನ ಸೋಂಕುಗಳು ಕಡಿಮೆಯಾಗುತ್ತವೆ ; ಇದರೊಂದಿಗೆ ಮಾನಸಿಕ ಒತ್ತಡ ಕಡಿಮೆಯಾಗಲು ಸಹಾಯ ಮಾಡುತ್ತದೆ.
7. ಮೂಳೆಯ ಬಲವರ್ಧನೆ : ಪರಂಗಿ ಹಣ್ಣಿನಲ್ಲಿ (Papaya fruit) ವಿಟಮಿನ್ K ಮತ್ತು ಮೆಗ್ನೀಸಿಯಮ್ ಅಧಿಕ ಪ್ರಮಾಣದಲ್ಲಿದ್ದು, ಮೂಳೆಯ ಆರೋಗ್ಯ ಸುಧಾರಿಸುತ್ತದೆ.
8. ತೂಕ ನಿರ್ವಹಣೆ : ಕಡಿಮೆ ಕ್ಯಾಲೊರಿ ಮತ್ತು ಹೆಚ್ಚಿನ ಫೈಬರ್ ಹೊಂದಿರುವ ಪಪ್ಪಾಯಿ ತೂಕ ಕಡಿಮೆ ಮಾಡಲು ನೆರವಾಗುತ್ತದೆ.
9. ಚರ್ಮದ ಆರೋಗ್ಯ : ಪರಂಗಿ ಹಣ್ಣು (Papaya fruit) ಚರ್ಮದ ಹೊಳಪನ್ನು ಹೆಚ್ಚಿಸಲು ಮತ್ತು ಚರ್ಮದ ಸಮಸ್ಯೆಗಳನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.
10. ಹೃದಯದ ಆರೋಗ್ಯ : ರಕ್ತದೊತ್ತಡ ನಿಯಂತ್ರಣದ ಮೂಲಕ ಹೃದಯ ಸಂಬಂಧಿತ ಕಾಯಿಲೆಗಳ ಅಪಾಯವನ್ನು ತಡೆಗಟ್ಟುತ್ತದೆ.
ಆರೋಗ್ಯಕರ ಜೀವನಶೈಲಿಗಾಗಿ ಪರಂಗಿ ಹಣ್ಣನ್ನು ನಿಮ್ಮ ದಿನನಿತ್ಯದ ಆಹಾರ ಪಟ್ಟಿ ಸೇರಿಸಿಕೊಳ್ಳಿ ಮತ್ತು ಆರೋಗ್ಯಕರ ಜೀವನವನ್ನು ಅನುಭವಿಸಿ.
Follow Us : https://www.facebook.com/Kannadasakshi
