ಬೆಂಗಳೂರು | ರಸ್ತೆ ಅಪಘಾತಗಳ ಸಂಖ್ಯೆ ದಿನದಿಂದ ದಿನಕ್ಕೆ ಹೆಚ್ಚುತ್ತಿದ್ದು, ಹಲವಾರು ಕುಟುಂಬಗಳು ಆರ್ಥಿಕ ಸಂಕಷ್ಟದಲ್ಲಿ ಸಿಲುಕುತ್ತಿವೆ. ಇಂತಹ ಸಂದರ್ಭಗಳಲ್ಲಿ, ಭಾರತೀಯ ಕಾನೂನು ಪ್ರಕಾರ ಪರಿಹಾರವನ್ನು (Compensation Law) ನೀಡುವ ವಿಧಾನದ ಬಗ್ಗೆ ಸ್ಪಷ್ಟ ನಿಯಮಗಳಿವೆ.
ಯಾವ ಕಾನೂನಿನ ಪ್ರಕಾರ ಪರಿಹಾರ (Compensation Law) ನೀಡಲಾಗುತ್ತೆ..?
ಭಾರತದಲ್ಲಿ 1961ರ ಕಂಪೆನ್ಸೇಷನ್ ಆಕ್ಟ್, 1988ರ ಮೋಟಾರು ವಾಹನ ಕಾಯ್ದೆ (Motor Vehicles Act) ಹಾಗೂ ಎಂ.ಎ.ಸಿ.ಟಿ (MACT – Motor Accident Claims Tribunal) ನ್ಯಾಯಮಂಡಳಿಗಳ ಮೂಲಕ ಅಪಘಾತದಲ್ಲಿ ಮೃತರಾದವರ ಕುಟುಂಬಗಳಿಗೆ ಮತ್ತು ಗಾಯಗೊಂಡವರಿಗೆ ಪರಿಹಾರ ನೀಡಲಾಗುತ್ತದೆ.
ಇದನ್ನು ಓದಿ : Hoskote Accident | ಹೊಸಕೋಟೆ ಬಳಿ ಲಾರಿ-ಬಸ್ ನಡುವೆ ಭೀಕರ ಅಪಘಾತ..!
ಪರಿಹಾರದ (Compensation Law) ಮೂಲ ತತ್ವಗಳು
1. ತಪ್ಪಿದವರ ಹೊಣೆ (Negligence-Based Compensation) – ಅಪಘಾತ ಯಾರಿಂದ ಸಂಭವಿಸಿದೆ ಎಂಬುದರ ಆಧಾರದ ಮೇಲೆ ವಿಮಾ ಕಂಪನಿಗಳು ಅಥವಾ ವಾಹನದ ಮಾಲೀಕರು ಪರಿಹಾರ ನೀಡಬೇಕಾಗುತ್ತದೆ.
2. ನಷ್ಟದ ಲೆಕ್ಕಾಚಾರ – ಮೃತರ ವಯಸ್ಸು, ಆದಾಯ, ಅವಲಂಬಿತರ ಸಂಖ್ಯೆ, ಅವರ ಬದುಕಿನ ಮಾನದಂಡ ಇತ್ಯಾದಿಗಳನ್ನು ಆಧರಿಸಿ ಪರಿಹಾರ ಮೊತ್ತ ನಿಗದಿಯಾಗುತ್ತದೆ.
3. ಥರ್ಡ್ ಪಾರ್ಟಿ ವಿಮೆ – ಭಾರತೀಯ ಕಾನೂನಿನ ಪ್ರಕಾರ ಪ್ರತಿಯೊಂದು ವಾಹನಕ್ಕೂ ಥರ್ಡ್ ಪಾರ್ಟಿ ವಿಮೆ ಕಡ್ಡಾಯ. ಈ ವಿಮೆಯ ಆಧಾರದಲ್ಲಿಯೇ ಹೆಚ್ಚಿನ ಪರಿಹಾರ ನೀಡಲಾಗುತ್ತದೆ.
4. ಘಟನೆ ದಾಖಲೆ (FIR, Hospital Reports) – ಪೊಲೀಸ್ ಎಫ್‌ಐಆರ್, ವೈದ್ಯಕೀಯ ದಾಖಲೆಗಳು, ಸಾವಿನ ಪ್ರಮಾಣಪತ್ರ ಇವು ಎಲ್ಲವೂ ಕೋರ್ಟ್‌ಗೆ ಸಾಕ್ಷಿಯಾಗಿ ಬರುತ್ತವೆ.
ನ್ಯಾಯ ಪಡೆದುಕೊಳ್ಳುವ ಮಾರ್ಗ
ಪರಿವಾರದವರು MACT ನಲ್ಲಿ ಅರ್ಜಿ ಸಲ್ಲಿಸಿ ವಿಮೆ ಕಂಪನಿಯಿಂದ ಪರಿಹಾರ (Compensation Law) ಪಡೆಯಬಹುದು. ನ್ಯಾಯಾಲಯ, ಸೂಕ್ತ ತನಿಖೆ ನಡೆಸಿ, ಪ್ರಮಾಣಪತ್ರಗಳ ಆಧಾರದಲ್ಲಿ ಪರಿಹಾರವನ್ನು ನಿಗದಿಪಡಿಸುತ್ತದೆ.
ಅಪಘಾತದ ನಂತರ ನ್ಯಾಯವನ್ನು ಪಡೆಯಲು ಭಾರತೀಯ ಕಾನೂನು ಸಂಪೂರ್ಣ ಸಹಕಾರ ನೀಡುತ್ತದೆ. ಜನರು ತಮ್ಮ ಹಕ್ಕುಗಳನ್ನು ತಿಳಿದು, ಸೂಕ್ತ ದಾಖಲೆಗಳೊಂದಿಗೆ ಕ್ರಮವಹಿಸುವುದು ಮುಖ್ಯ.
