ನವದೆಹಲಿ | ದೆಹಲಿ (Delhi Earthquake) ಹಾಗೂ ರಾಷ್ಟ್ರೀಯ ರಾಜಧಾನಿ ಪ್ರದೇಶದಲ್ಲಿ (ಎನ್‌ಸಿಆರ್) ಸತತ ಎರಡನೇ ದಿನವೂ ಭೂಕಂಪನ ಉಂಟಾಗಿದೆ. ಈ ಬಾರಿ ಭೂಕಂಪನದ ಕೇಂದ್ರ ಹರಿಯಾಣದ ಜಜ್ಜರ್, ದೆಹಲಿಯಿಂದ ಸುಮಾರು 60 ಕಿಲೋಮೀಟರ್ ದೂರದಲ್ಲಿದೆ.
ದೆಹಲಿಯಲ್ಲಿ (Delhi Earthquake) ಭೂಕಂಪನದ ವಿವರ
ಶುಕ್ರವಾರ ಸಂಜೆ 7:49ಕ್ಕೆ 3.7 ತೀವ್ರತೆಯ ಭೂಕಂಪನ ಜಜ್ಜರ್‌ನಲ್ಲಿ ಸಂಭವಿಸಿದೆ. ರಾಷ್ಟ್ರೀಯ ಭೂಕಂಪಶಾಸ್ತ್ರ ಕೇಂದ್ರದ (NCS) ಪ್ರಕಾರ, ಭೂಕಂಪನ 10 ಕಿಮೀ ಆಳದಲ್ಲಿ ಸಂಭವಿಸಿದ್ದು, ದೆಹಲಿ, ಗುರುಗ್ರಾಮ, ರೋಹ್ಟಕ್, ಹಿಸಾರ್, ಪಾಣಿಪತ್ ಹಾಗೂ ಮೀರತ್‌ನಲ್ಲಿಯೂ ಕಂಪನ ಅನುಭವವಾಗಿದೆ.
ಇದಕ್ಕೂ ಒಂದು ದಿನದ ಮೊದಲು, ಗುರುವಾರ ಬೆಳಿಗ್ಗೆ 9:04ಕ್ಕೆ, ಜಜ್ಜರ್‌ನಲ್ಲಿ 4.4 ತೀವ್ರತೆಯ ಭೂಕಂಪ (Delhi Earthquake) ಸಂಭವಿಸಿತ್ತು. ತೀವ್ರ ಕಂಪನದಿಂದ ಕೆಲವರ ಮನೆಯ ಗಾಜುಗಳು ಚಿದ್ರವಾಗಿದ್ದವು ಯಾವುದೇ ಪ್ರಾಣಹಾನಿ ಅಥವಾ ಆಸ್ತಿ ಹಾನಿಯ ವರದಿಯಾಗಿಲ್ಲ.
ಇದನ್ನು ಓದಿ : Breast milk Increase | ತಾಯಿಯ ಎದೆಹಾಲು ಹೆಚ್ಚಾಗಬೇಕು ಅಂದ್ರೆ ಈ ಆಹಾರ ಪದಾರ್ಥ ಸೇವಿಸಿ..!
ತಜ್ಞರ ಪ್ರಕಾರ, ಈ ರೀತಿಯ ಸಣ್ಣ ಕಂಪನಗಳು ಭೂಗರ್ಭದಲ್ಲಿ ನಿರ್ಮಿತ ಶಕ್ತಿಯ ನಿಯಮಿತ ಬಿಡುಗಡೆಗೆ ಕಾರಣವಾಗುತ್ತವೆ. ಇದರಿಂದ ಬಹುತೇಕ ದೊಡ್ಡ ಭೂಕಂಪ ಅಪಾಯವನ್ನು ತಡೆಯಬಹುದು ಎಂದು ಹೇಳಲಾಗಿದೆ.
ಜಜ್ಜರ್‌ನ ಈಶಾನ್ಯಕ್ಕೆ 3 ಕಿಮೀ ಹಾಗೂ ದೆಹಲಿಯಿಂದ ಪಶ್ಚಿಮಕ್ಕೆ 51 ಕಿಮೀ ದೂರದಲ್ಲಿ ಕಂಪನದ ಕೇಂದ್ರಬಿಂದುವು ಇತ್ತು. NCR ಪ್ರದೇಶದ ಹಲವೆಡೆ ಮಂದ, ಆದರೆ ಸ್ಪಷ್ಟವಾದ ಕಂಪನ ಭಾಸವಾಗಿದೆ.
ಪ್ರಸ್ತುತ, ಪರಿಸ್ಥಿತಿ ನಿಯಂತ್ರಣದಲ್ಲಿ ಇರುವುದು ಸರ್ಕಾರ ತಿಳಿಸಿದೆ. ಭೂಕಂಪನದ (Delhi Earthquake) ನಂತರ NDRF ಮತ್ತು ವಿಪತ್ತು ನಿರ್ವಹಣಾ ತಂಡಗಳು ತಕ್ಷಣ ಸ್ಥಳ ಪರಿಶೀಲನೆ ನಡೆಸಿವೆ.