ಸಿನಿಮಾ | ಕಾಂತಾರ: ಚಾಪ್ಟರ್ 1 (Kantara: Chapter 1) ಸಿನಿಮಾ ಚಿತ್ರೀಕರಣ ಆರಂಭವಾದಾಗಿನಿಂದಲೇ ಸರಣಿ ಅವಘಡಗಳು ಚಿತ್ರತಂಡವನ್ನು ಬೆನ್ನತ್ತಿವೆ. ಈಗಲೂ ಮತ್ತೊಂದು ಅಪಘಾತ ವರದಿಯಾಗಿದೆ. ಚಿತ್ರೀಕರಣದ ವೇಳೆ ಬೋಟು ಮಗುಚಿವ ಘಟನೆ ನಡೆದಿದೆ. ಆದರೆ ಈ ಅಪಘಾತದಲ್ಲಿ ಯಾವುದೇ ಜೀವಹಾನಿ ಸಂಭವಿಸಿಲ್ಲ ಎಂಬುದು ಶ್ಲಾಘನೀಯ ಸಂಗತಿ.
ಮಾಸ್ತಿಕಟ್ಟೆಯ ಮಾಣಿ ಜಲಾಶಯದಲ್ಲಿ ಚಿತ್ರೀಕರಣ ನಡೆಯುತ್ತಿದ್ದ ವೇಳೆ, ರಿಷಬ್ ಶೆಟ್ಟಿ ಸೇರಿದಂತೆ ಸುಮಾರು 30ಕ್ಕೂ ಹೆಚ್ಚು ಮಂದಿ ಕಲಾವಿದರು ಹಾಗೂ ತಂತ್ರಜ್ಞರು ಇದ್ದ ಬೋಟ್ ಮಗುಚಿದೆ. ಚಿತ್ರೀಕರಣ ಸಮಯದಲ್ಲಿ ಈ ಘಟನೆ ನಡೆದಿದ್ದರೂ, ಎಲ್ಲರೂ ಈಜಿಕೊಂಡು ಸುರಕ್ಷಿತವಾಗಿ ದಡ ಸೇರಿದ್ದಾರೆ ಎನ್ನಲಾಗಿದೆ.
ಇದಕ್ಕೂ ಮುನ್ನ (Kantara: Chapter 1) ಚಿತ್ರತಂಡವನ್ನು ಆವರಿಸಿದ ದುರಂತಗಳು
- ಮೊದಲಿಗೆ, ಕೇರಳ ಮೂಲದ ಜೂನಿಯರ್ ಆರ್ಟಿಸ್ಟ್ ಒಬ್ಬರು ಈಜಲು ಹೋಗಿ ನೀರಲ್ಲಿ ಮುಳುಗಿ ಮೃತಪಟ್ಟರು.
- ಬಳಿಕ, ಸಿನಿಮಾದಲ್ಲಿ ಅಭಿನಯಿಸಿದ್ದ ಕನ್ನಡದ ಹಾಸ್ಯನಟ ರಾಕೇಶ್ ಪೂಜಾರಿ ಹೃದಯಾಘಾತದಿಂದ ಸಾವನ್ನಪ್ಪಿದರು.
- ಇತ್ತೀಚೆಗಷ್ಟೆ, ಮತ್ತೊಬ್ಬ ಕೇರಳ ಮೂಲದ ಕಲಾವಿದ ವಿಜು ವಿಕೆ ಸಹ ನಿಧನರಾದರು.
ಈ ಘಟನೆಗಳಿಂದ ಚಿತ್ರತಂಡದ ಮನಸ್ಥಿತಿ ಬಿಕ್ಕಟ್ಟಿನಲ್ಲಿದ್ದರೆ, ಈಗ ಬೋಟು ಮಗುಚುವ ಘಟನೆ ಅವರು ಹೇದರಿಕೆಯಲ್ಲಿರುವ ಸ್ಥಿತಿಗೆ ಇನ್ನಷ್ಟು ತೀವ್ರತೆ ತಂದಿದೆ. ಬೋಟಿನಲ್ಲಿ ಯಾವುದೇ ಜೀವಹಾನಿ ಸಂಭವಿಸದಿದ್ದರೂ, ಶೂಟಿಂಗ್ ಉಪಕರಣಗಳು ಹಾಗೂ ಕ್ಯಾಮೆರಾಗಳು ನೀರು ಪಾಲಾದ ಸಾಧ್ಯತೆ ಇದೆ ಎಂದು ಮೂಲಗಳು ತಿಳಿಸುತ್ತಿವೆ.
ಇದನ್ನು ಓದಿ : Thieves Arrested | ಕೋಡಿ ಕೆಂಪಮ್ಮ ದೇಗುಲದ ಹುಂಡಿ ಹೊಡೆಯಲು ಬಂದು ತಗಲಾಕಿಕೊಂಡ ಕಳ್ಳರು..!
ಕಾಂತಾರ ಚಿತ್ರದ ಅದ್ಭುತ ಯಶಸ್ಸಿಗೆ ಪ್ರೇರಿತವಾಗಿ ‘ಕಾಂತಾರ: ಚಾಪ್ಟರ್ 1’ (Kantara: Chapter 1) ಎಂಬ ಪ್ರೀಕ್ವೆಲ್ ಚಿತ್ರ ನಿರ್ಮಾಣಗೊಳ್ಳುತ್ತಿದೆ. ಈ ಸಿನಿಮಾದ ಕಥೆ ಮೊದಲ ಭಾಗದ ಹಿಂದಿನ ಇತಿಹಾಸವನ್ನು ಆಧರಿಸಿರುತ್ತದೆ.
ಚಿತ್ರದ ನಿರ್ದೇಶನದ ಹೊಣೆ ಹೊತ್ತಿರುವ ರಿಷಬ್ ಶೆಟ್ಟಿ, ತಮ್ಮ ಊರಿನ ಸುತ್ತಮುತ್ತಲಿನ ಪ್ರದೇಶದಲ್ಲೇ ಶೂಟಿಂಗ್ ಮಾಡುತ್ತಿದ್ದಾರೆ. ಕೇರಳದ ಹಲವಾರು ಕಲಾವಿದರು ಚಿತ್ರದಲ್ಲಿ ಭಾಗವಹಿಸುತ್ತಿದ್ದಾರೆ.
ಇದೇ ವೇಳೆ, ಸಿನಿಮಾದ ವಿಶುಲ್ ಎಫೆಕ್ಟ್ಸ್ ಹಾಗೂ ಆಕ್ಷನ್ ದೃಶ್ಯಗಳಿಗೆ ಹಾಲಿವುಡ್ ತಜ್ಞರನ್ನು ಬಳಸಲಾಗುತ್ತಿದೆ. ಹೊಂಬಾಳೆ ಫಿಲಂಸ್ ಈ ಪ್ರಾಜೆಕ್ಟ್‌ಗೆ ಬಂಡವಾಳ ಹಾಕಿರುವ ನಿರ್ಮಾಣ ಸಂಸ್ಥೆಯಾಗಿದೆ.
ಈ ಚಿತ್ರ ನಿರೀಕ್ಷೆಯಲ್ಲಿರುವ ಪ್ರೇಕ್ಷಕರಲ್ಲಿ ಭಯ ಹಾಗೂ ಕುತೂಹಲ ಉಂಟುಮಾಡಿದ್ದು ನಿಶ್ಚಿತ. ಆಗಾಗ್ಗೆ ನಡೆಯುತ್ತಿರುವ ಅವಘಡಗಳು ದೈವದ ಎಚ್ಚರಿಕೆಯಾಗಿರಬಹುದಾ ಎಂಬ ಪ್ರಶ್ನೆಯೂ ಕೆಲವರಲ್ಲಿ ಮೂಡುತ್ತಿದೆ.
